淫底港女:「收兵係可以解決我性需要,如果有男朋友時我都會照收兵。」

BigBoysClubAisa     2016-11-10     檢舉

淫底港女:「收兵係可以解決我性需要,如果有男朋友時我都會照收兵。」

每個當兵嘅男仔,都渴望自己有一日變成將軍,全因娘娘不時派軍糧畀希望,但係你永遠唔知娘娘心入裡諗緊乜,有娘娘就剖白……

廣告-請繼續往下閱讀

節目訪問兩位娘娘,其中一位剖白心聲,直認自己收兵,「我同佢地講(我地)冇可能架啦,做朋友啦,永遠都係朋友,但佢地都繼續鍥而不捨,我覺得呢d就係兵,不過有時我有性需要都會會搵下佢地幫手解決,其實係益左佢地」。

嗱,娘娘講到明,佢已經同你講清講楚係朋友架啦,假如你對佢有超出朋友嘅好呢,就係你自己自願當兵,免責條款講得好清楚架。

咁如果娘娘有男朋友又點算好?娘娘就話,有男朋友時盡量少d(收兵),亦都係講到明架,但都仲係大把人爭住做兵呀。你吹咩?

廣告-請繼續往下閱讀

個節目仲叫娘娘即場約隻兵出街,測試係咪咁隨傳隨到。結果,一約就有隻兵即刻撲出嚟,畀電視台偷拍埋,仲話覺得自己唔算係兵。Well,「唔係」兵,定「唔算係」兵?

隨傳隨到,係一隻兵基本條件,正如打999,8分鐘內要有救援人員到場一樣;唔……神聖d講,即係有人叫救命,超人就要飛出去救佢一樣。總之當收到娘娘話想你出嚟陪佢,就係你表現同付出嘅時候!

廣告-請繼續往下閱讀

做一隻兵,付出係無限大,但係永遠唔會有回報,因為娘娘一早講哂「免責條款」,最多只會同你講「多謝你陪我啊」、「唔好意思啊又要麻煩你」,你想拖手、鍚佢?下世啦~

而最高手高高手嘅娘娘,唔會令你覺得自己當兵,佢會令你覺得自己好特別好重要,咁你又會繼續付出。不過,想拖手、鍚佢?都係下世啦~

既然唔會有回報,咁點解會滿足於淨係付出?

好簡單,因為鍾意一個人,其實只係好單純咁想佢快樂,就算明知冇結果,但係能夠為佢付出,見到佢因為你一d小心意而笑,甚至會講句「多謝你」,亦係你嘅快樂。

真正嘅軍糧,唔係娘娘講一句乜曖昧說話,而係佢好真心為你而笑果一刻。

廣告-請繼續往下閱讀