公司個已婚男同事,佢成日用 果度 撞我

BigBoysClubAisa     2016-11-10     檢舉
廣告-請繼續往下閱讀

幾年前係公司認識佢,起初唔熟,只係知佢已經結咗婚;後來佢轉咗工,間中會約埋一班同事&舊同事出黎食飯唱k,漸漸就熟絡咗,知道佢個人其實對朋友都幾好同幾玩得,我本身男仔頭,所以同佢都好夾;後來同佢越來越friend,覺得佢好take care我,佢有時都會打比我傾計,有時深夜亦會msg我… 有時食飯唱k去玩,我地都會好close,佢甚至會攬下我、拖下我,我當時諗佢係當我男仔定純粹飲多咗想搵個人攬下呢?

後來有一次去camp,由於其他都係情侶,所以我地被安排一齊訓,當晚佢差不多成晚都攬住我,我覺得好曖昧,佢成日用"果度" 頂住我...攪到我好想

廣告-請繼續往下閱讀

情人節前一晚佢msg我,話見我情人節無人約咁可憐,佢約我等我無咁慘;因為佢老婆出咗trip要夜晚先返,所以下午可以「借「d時間比我,可惜最後佢因為公事而出唔到黎…

之後我地約埋一班人去旅行,我地又係被編排一間房,初初都無野,但到最後一晚佢突然攬得我好實,之後嘴我,纏綿過後(佢又頂住我,我仲感覺到佢好似濕左,),佢問我想點,想keep or stop,當時我真係好想同佢一齊,所以我話想keep;之後佢問我係咪諗清楚,佢話佢咩都比唔到我,我地初初一齊係會好開心,但時間越耐對我嘅傷害只會越大… 我聽完佢咁講,諗咗一陣就話:咁我地算啦… 其實我無諗過要破壞佢婚姻,我知我無咁嘅份量可以影響到佢地,但個刻我只係好傻咁好想同佢一齊,不過我又唔想佢為難,所以決定放棄,我以為我地仲可以做返朋友…

廣告-請繼續往下閱讀

個次之後,佢再無搵我,甚至開始避我,我地好多次gathering佢都甩底,我生日佢甚至連一句生日快樂都無… 其實呢幾個月我好唔開心,但我又知道如果佢繼續搵我,我會更加放唔低… 事隔幾個月,我都已經無乜野,我以為佢已經唔會再搵我,點之前幾日係公司佢突然打比我,叫我落一落樓,落到去佢比咗份野我話係生日禮物(我生日已經過咗好耐),之後我地寒暄咗幾句佢就走咗…

其實我知道我地已經完結咗,但我真係好想知道我係佢心目中到底係咩一回事?係玩我?定係真係鐘意過我?我地仲會做得返朋友嗎??

廣告-請繼續往下閱讀